TACLOBAN CITY – Waray na kinabuhi han makit-an an usa nga menor de edad mahuman anay ini nga luguson ha bungto han Carigara, Leyte.
Ginkilala ang biktima ha ngaran la nga “Jonalyn”, nuyebe anyos an pangidaron ngan naguukoy ha Carigara, Leyte.
Patay nga lawas han 9-anyos nga menor de edad nga gintabunan hin taklap
Subay ha nanay han biktima nga banda alas 9 han gab-e Dida han Hunyo 24, han paki alayunan daw ini han iya patod nga dad-un an anak hini pauli ha ira balay.
Tikang hadto in waray na ini makabalik ha ira panimalay rasun han ira duro nga pagkabaraka.
Kaupod an iba pa nga anak ngan kaparyentehan in bug-os nga gab-e nira nga ginpamiling hi Jonalyn.
Kanina la han kulop han makit-an an biktima pero waray na ini kinabuhi.
Waray naman ini sul-ot nga pan ubos ngan ginbayaan an patay nga lawas ha ligid han dagat.
Tungod hini in dayun nga nagdumara hin imbestigasyon an Kapulisan ha Carigara, Leyte ngan nabaruan nga kainum la han patod hini an suspek han krimen.
Nakompirma naman nga nalugos an biktima tungod han pag amin han suspek nga ginkilala ha Alyas nga Jomar, ada ha legal nga pangidaron.
Subay hini nga an duro nga kahubugan an nagduso hini agud nga mabuhat an mao nga krimen.
Hustisya naman an ginguguliat han pamilya han biktima.
Ha pagkayana in nakapaslak na ang biktima ha Cariga Lock up facility ngan nakatalaan umatubang ha patting-patong nga kaso.
