TACLOBAN CITY – Ginpahayag han 8th Infantry Division Philippine Army an mga programa ngan accomplishments nga ira gindumara para mapuypoy na itun insurgencies ha Sinirangan Bisayas.
Sumala kan Capt. Jefferson Mariano Chief Division Public Affairs Office han PA 8ID, an pokus yana han 8th Infantry Division amo an area of operations ha bug-os nga rehiyon partikular na ha Northern Samar.
An anay 11 nga batallions han 8th ID in gin-dugangan hin 3 kun diin may-ada na 14 nga mga battalions han 8th ID, ngan mas kumusog pa itun pwersa kaupod an maupay nga implementasyon han RTF-ELCAC nga may-ada panuyuan nga mawara na iton mga insurgencies ha Eastern Bisayas.
Kun mahihinumduman han nakalabay nga last quarter han 2022 in may-ada pa na-exister nga 5 nga mga active guirella fronts ha Pilipinas ngan 4 dinhe in aada ha Northern Samar.
Pero mahitungod han bulig ngan paningkamot han security sectors, line agencies ngan local executives in nagin 1 nala itun guirella fronts ngan napuypoy na an 3 hine, ginlalauman gihapon nga padayun na ine nga mawara san-o paman mahuman iton tuig.
