TACLOBAN CITY- Malinampuson an gindumara nga Mega Job Fair han nakalabay nga Marso 28, 2025, kun diin ginpartisiparan an mga ine hiton magkalain-lain nga mga employeers ngan pira nga mga departamento ha rehiyon.
Sumala kan Ruena Mate, PESO Manager Tacloban City, maabot ha 53 local ngan 8 oversease recruitment agencies an naki-usa ha mao nga aktibidad, kun diin mayda ine purluminos 2,400 nga job oppurtunities.
Ha mao nga aktibidad, maabot ha 1, 246 nga job seekers an naki-usa kun diin 1,191 dinhi in nag-qualified.
Dugang pa ni Mate, maabot naman ha 78 an hired on the spot, ngan 159 naman an near hired o adton mayda mga kulang nga documento.
Ginpasalamatan naman hine an ngatanan nga ira nagin kasugbong, nga mga ahensya agud nga magin malinampuson an nasabi nga aktibidad, sugad hiton PAG-IBIG, SSS, NBI, ngan PhilHealth nga nakadto agud nga bumulig ha mga nagkikinahanglan hiton mga dokumento.
