INTERNATIONAL – Patay an pito ka-tawo, lakip an usa nga 6 anyos nga bata, ha gindumara nga aerial strike han Russia nga umigo ha pira nga residential building ha Kyiv, Ukraine.
Ini in ginkompirma mismo ni Ukrainian President Volodymyr Zelenskyy.
Subay ha mga otoridad, sobra 300 nga drones ngan unom nga missiles an ginbuhi-an han Russia, nga ka-urugan in gintarget an Capital City.
Samtang, diri maubos ha 64 ka-tawo an samaran kun diin 50 ha ira in igindara ha ospital.
Sumala kan Tymur Tkachenko, tagmangulo han Kyiv military administration, makasurubo an nagin pagtapo han aga ha Ukraine mahitungod nga 27 nga lokasyon an na-igo ha pag-atake, kun diin nagkaguguba an mga residential building, eskwelahan, ngan ospital nga durot han brutal nga panbobomba han Russia.
Dugang pa niya, target han Russia an mga kabalayan, sibilyan, ngan mga katungod han Ukraine nga mabuhi ha ira kalugaringon nga nasud.
