-- Advertisements --
TACLOBAN CITY – Nakaghipatik hin pito nga casualties an bug-os nga rehiyon 8 mahitungod han nagin makusog nga uuran ngan mga pagbahan dida han nakalabay nga adlaw ine in subay na gihapon ha ira nagin assestment.
Sumala kan Sher Rysiah Saises, Information Officer han Office of the Civil Defense Regional Office 8, duha an casualties tikang ha Northern Samar, tulo ha Leyte, ngan duha naman tikang ha Eastern Samar an naitala nga mga casualties basar han kabug-usan nga datos ha report.
Kadam-an naman han mga nanhipatik nga pito nga casualties in mahitungod han pagkalunod samtang an pipira naman in amu an mga nahipatik nga missing ha kakusgan han uuran ngan mga pagbaha.
Waray naman igpagawas an mga impormasyon han mga biktima.
