TACLOBAN CITY – Maabot hin 60 nga mga indibidwal iton nagpositibo ha COVID-19 ha Laoang, Northern Samar kon diin 58 han mga ini in tikang ha Laoang Sub Provincial Jail.
Sumala kan John Paul Roca, tagapagyakan han Department of Health 8, hini nga 58 nga mga inbidwal, 12 han mga ini in mga jail guards ngan 46 in mga inmates.
Waray pa naman kahisabti kon patiunan-o natapnan an mga priso ngan mga jail guards pero nagpaka -isolate na an mga ini.
Naghimo naman hira hin isolation facility ha sakob mismo han presuhan kon diin pwede igbutang an mga nagpositibo nga mga preso.
Samtang, makadto naman buwas an surveillance team han DOH ha mao nga prisuhan agud nga maghatag hin technical assistance para makontrol an pagdamo han kaso ha mao nga pasilidad
Mababaruan nga dida han nakalabay nga Octobre 10, 7 nga mga inmates ngan 3 nga jailguards an una na nga nagpositibo ha COVID 19 kon diin una na nga ginpailarom ha lockdown an mao nga presuhan.
Una na gihapon nga Naghatag hin mga vitamins para ha mga inmates ngan jail gurads hi Northern Samar Governor Edwin Ongchuan.
An Laoang sub provincial jail in mayda 182 nga mga priso ngan mayda liwat 80 nga mga jail guards.
