NATIONAL– Nakatalaan nga ig-export han Japan an 6 nga warship o barko pan giyera ha Pilipinas.
Subay ha report, nagkasabot an Pilipinas ngan Japan nga ig-export an 6 nga gamit han Abukuma-class destroyer escorts han Japan Maritime Self Defense Force nga ada ha serbisyo ha sulod han sobra 30 katuig ngan ginkomisyon ine tikang han tuig 1989 – 1993.
Ginbandilyo ine pinaagi hiton artilkulo nga ginkompirma nira Japan Defense Minister Gen Nakatani ngan Philippine Defense Minister Gilberto Teodoro an impormasyon kasumpay ha pag-export han used escort ships ha gindumara nga paghihimangraw ha Singapore han nakalabay nga Hunyo.
Naksulod gihapon dinhi an ira sources nga nakatalaan inspeksiyunon han Philippine military an Abukuma class destroyer escorts yana nga summer ha Japan para panginanuon an main guns ngan iba pa nga equipment sugadman an maintenance status han warships ngan pagdumaraon an pinal nga pangandaman ugsa ine ig-export.
