-- Advertisements --
Nanawagan hin hustisya an mga kag-anak han usa nga 6-anyos nga bata nga lalaki nga namatay mahuman taplungon han iya teacher samtang aada ha klase dida han Biyernes, Agosto 21, 2026.
Basar ha mga notisya, nasina an magturutdo mahuman makit-an nga kulang an assignment han bata. Ginpadaop hini an estudyante ngan ginbunlot an uniporme ngan gintaplong.
Tigda nala nawarayan hin pamahung-pahong an bata ngan bumulagta kun diin, dayon naman ini gindara ha ospital pero dire la maiha in gindeklara ini nga patay.
Natu-o naman an pamilya nga may paghisumpay ha insidente han panaplong an pagkamatay han bata, pero ha pagkayana in waray pa ginpapagawas an mga otoridad nga ensakto nga rason han pagkamatay hini.
