TACLOBAN CITY– Maabot ha 1,353 nga mga aplikante an naki-usa ha gindumara nga Mega Job Fair ha Tacloban City Convention Center, Astrodome ka kulop nga adlaw kumo pagsalin-urog gihapon han ika-123 years of Labor Day.
Sumala kan Norma Rae Costimiano Information Officer, Department of Labor & Employment Regional Office Vlll, ha mao nga ihap maabot ha 57 an mga na hired on the spot ha nasabi nga aktibidadis.
Dugang pa ni Costimiano, umabot naman ha 70 nga mga employers an naki-usa agud nga maka-bulig ha mga job seekers nga makabilig hin trabaho.
Ha mao gihapon nga ihap, 63 dinhi in mga lokal employers, samtang an 7 naman in nag-ooffer hin overseas nga panrabahuan.
Ginpaangbit hine, nga ada naman ha 195 nga mga aplikante an near hired, karuyag sidngon igmomonitor pa hira hiton ahensya nga ira gin-aaplayan, ngan may ginkikinahanglan pa nga mga dokumento, agud nga makatikang an mga ine hiton trabaho.
Nagpasalamat naman ine ha tanan nga tumambong ha nasabi nga aktibidad, matungod nga nagin malinampuson an 2025 Labor Day Mega Job Fair.
