TACLOBAN CITY- Guinpaninigbas an usa nga lalaki mahitungod la han nakabuhi nga karabaw ha Barangay Hinapolon, Alang-alang, Leyte.
Guinkilala an biktima kan Bernardo Pedras Poblete, samtang guinkikilala an guinrereklamo kan Winifredo Horca Ezar nga pareho mga residente ha mao nga lugar.
Sumala kan Poblete nga nagreport la ini kan Horca may kalabutan han nakabuhi nga karabaw hini pero ha waray igo nga rason, dayon na daw la ini nga guinpaninigbas.
Subay ha pahayag han biktima nga hiya la daw an nagmaupay an kaburut-on nga yaknun ha Suspek nga nakabuhi an iya karabaw pero hiya pa daw an ginpananawtaw.
Dugang pa ni Poblete nga guinpabulig pa daw han suspek an iya menor de edad nga anak ha pagpanigbas pero naunay la hini nga pagtibason an iya tatay mahuman nga himuon ini nga panagang.
Dig-on naman han suspek nga hiya daw an ginpaninigbas han biktima.
Padayun naman nga gin-iimbestigahan han mga Kapulisan an mao nga insidente.
