TACLOBAN CITY – Ginlunsar na han Department of Health (DOH) Regional Office 8 kakulop nga adlaw an PinasLakas booster rollout campaign ha rehiyon kadungan han direktiba ni Presidente Bongbong Marcos.
Una hini, ginmando han presidente ha DOH ngan tanan nga mga LGUs nga mapahugot ngan mapahalawig an booster vaccination ha bug-os nga nasud.
Sumala kan Dra. Exuperia Sabalberino, Regional Director han DOH 8, ini agud nga magkaada hin mas mapakusog an proteksyon han publiko ala kontra ha COVID-19 labi na yana nga damo nga mga variants han sakit an nagkakagawas.
Ha mao nga direktiba han presidente, target han DOH ngan han kada LGU nga makab-ot an 90% booster coverage ha mga A2 category o senior citizen sugadman 50% han mga eligible populatio o an mga nag-eedad 12 yrs old above nga kinahanglan nga maturukan na hin booster shot.
An mao nga target in kinahanglan nga makab-ot han mga LGUs ha syahan nga 100 kaadlaw han paglingkod ha pwesto ni Presidente Marcos.
