-- Advertisements --
TACLOBAN CITY – Maabot ha lima katawo an samaran mahuman nga magbungguay an usa nga Tricycle ngan Truck ha parte han San Pedro Street, siyudad han Ormoc.
Subay ha inisyal nga report han mga Kapulisan nga nabyahe an Tricycle sakay an 3 nga pasahero pakadto ha Bonifacio Street, Ormoc City han tigda ini nga mabunggo han natiabot liwat nga Truck.
Ginkilala ang mga samaran nga hira Leonardo Puebla, driver han motor, Emilio Gorra, 35 anyos, driver han Fuso Fighter Truck ngan tulo nga iba pa nga mga pasahero.
Dayun naman nga gindara ha Ospa Hospital ha Ormoc an mga samaran nga mga biktima.
Gindara liwat ha Traffic Office han Ormoc an duha nga dabi nga mga sarakyan.
