![](https://img.bomboradyo.com/tacloban/2019/05/Vehicular-Accident-Ambulance.jpg)
PHOTO BY : MEL CASPE
TACLOBAN CITY – Padayon nga gintatambal ha ospital an lima katawo nga samaran ha natabo nga banggaay han usa nga ambulansiya ngan Toyota Innova ha National Highway han Barangay Guinob-an, Lawaan, Eastern Samar.
Ginkilala an driver han innova nga hi Larry Silhanek, 69 anyos, american national ngan residente han Barangay 3 han mao nga bungto.
Samtang an driver naman han ambulance in hi Carlito Bagas, 57 anyos, residente han Borongan City.
Sumala kan P/Lt. Alexander Astorga, Officer-In-Charge han Lawaan Municipal Police Station nga may sakay nga pasyente ngan duha nga bantay an ambulansya han ngan pakadto na ha ospital mahitabo an insidente.
An pasyente in ginkilala kan Winefredo Caraga, 69 anyos ngan upof hini an iya anak nga hi John Sel Caraga, 16 anyos sugad man an iya umangkon nga hi Ryan Cabral 35 anyos, papreho mga taga Brgy. San Isidro, San Julian, Eastern Samar.
Dugang pa ni Sumala Astorga, nga ginbabaybay han duwa nga sarakyan an pareho nga direksyon kon diin han ma overtake unta an ambulansiya ha Innova in tigda liwat ini nga lumiko hinungdan han pagbanggay hini.
Nag-angkon hin mga samad an 2 nga driver ngan 3 nga pasaheros pero dayon naman hira nga gindara ha ospital nga stable na kahimtang.
Gin-aandam naman an kaso nga reckless imprudence resulting to physical injuries and damage to properties ala kontra ha driver han innova nga napag araman nga expired na an driver’s license.