NATIONAL–Umabot ha 5 ka dugang nga lawas an narekober han mga otoridad tikang ha nalunod nga MV Trisha Kerstin-3 ha kadagatan harani a Baluk-Baluk Island, Basilan han Martes, hinungdan kun kayano umabot na ha 51 an ihap han mga naawat hin kinabuhi.
Sumala ha Philippine Coast Guard (PCG), ginpapadayon han ira technical divers an underwater search and recovery operations.
Natad-an an mga lawas ha economy accommodation area ha syahan nga deck han barko kun diin kalakip ha mga narekober kay an 1 nga baby, 1 nga bata, 2 ka babayi ha ensakto nga edad, ngan usa nga binata.
Samtang, dire pa natutudlok an kinatawo han 2 ka menor de edad.
Tikang ha Zamboanga City, igbabalhin an ga ine ha Talabaan Cemetery kun diin igpapailarom an mga ine ha forensic processing han mga eksperto.
Ginabisohan an mga pamilya han mga biktima nga mayada pa nawawara nga kapamilya nga kumadto ha nasabi nga sementero agud nga bumulig ha pagkilala han mga lawas.
Mababaruan nga nalunod an MV Trisha Kerstin-3 han ika 26 han Enero ngan natad-an ha barko ha kadagatan harani ha Baluk-Baluk island han Martes han naglabay nga semana.
Padayon la gihapon an search and recovery operations han mga otoridad para ha mga possible nga nabibilin nga biktima
