METRO MANILA – Igpapatuman na ha sunod nga semana an 5,000 fuel subsidy para ha mga jeepney ngan tricycle drivers nga apektado han pagsaka han presyo han mga produkto han petrolyo tungod han padayon nga kasamok ha Middle East.
Sumala kan Executive Secretary Ralph Recto, ini nga igpapandestribwer nga bulig pinansyal in agud mapagaan an pas-anon han mga driver han dyip ngan tricycle.
Agud mapadagmit an pagpatuman hini, nakigharampang hi Executive Sec. Recto ha mga Mayor ha NCR kakulop, para ma-coordinate an distribusyon han subsidiya tungod nga hira an mas maaram han tinuod nga sitwasyon han mga tricycle ngan jeepney drivers ha ira mga kada-tagsa nga lugar.
Pangungunahan han Department of Social Welfare and Development (DSWD) ngan Department of Transportation (DOTr) an padestribwer han fuel subsidy.
Mahuman an rollout han fuel subsidy ha Metro Manila, igpapadayon ini nga programa ha iba pa nga rehiyon ha bug-os nga nasud.
Ini nga subsidiya in kaparte han direktiba ni Presidente Ferdinand Marcos Jr. para ha madagmit nga paghatag hin bulig ngan maproteran an pakabuhi han mga sektor nga direkta nga apektado han pagsaka han presyo han lana.
