TACLOBAN CITY – Ada ha 48% han mga Pinoy an nagyayakan nga hira in kablas, subay hiton survey han Social Weather Stations.
Sumala kan Eugene Tan, Presidente hiton Philippine Chamber of Commerce and Industry Tacloban and Leyte Chapter, usa ha mga factor hine in an oportunidad han panarabahuan kun diin makuri makabiling hin trabaho ha nasud dara han kahitaas han mga kwalipikasyon nga gin aaro han kompanya pero habubo iton pasweldo.
Usa pa gihapon ha mga rason nga nakikita hine in an paghitaas han balor han dolyares kontra ha peso kun diin hitaas ngani an balor han dolyar in habubo naman iton balor han peso karuyag sidngon mas maupay iton ekonomiya han iba nga nasud kumpara ha Pilipinas.
Padayun gihapon an pagsaka han presyo han mga papliton ngan han krudo kun diin nakakadugang ine ha pagdako han kunsumo han mga Pinoy labi na yana nga ada ha butnga han El Niño phenomenon an nasud.
