Milagro nga naitalwas hin buhi an usa nga 43-anyos nga security guard mahuman ma-trap hin walo ka-adlaw ha ilarum han lumaprak nga building durot han magkasurunod nga linog nga umigo ha Venezuela.
Ginkilala an survivor nga hi Hernan Alberto Gil Flores, nga nagtatrabaho kumo night watch guard ha usa nga pito ka-andana nga shopping center ha syudad han Catia La Mar ha La Guaira, nga usa ha mga rehiyon nga duro nga nadarahigan han linog.
Nagpabilin hiya nga talwas ha sakob han iya security booth ha basement han building, nagin marig-on an cabin hini nga nakaghimo hin usa nga “air pocket” o espasyo nga may hangin ha butnga han lumaprak nga estruktura.
Sobra 100 ka-oras gintrabaho han mga bumbero ngan rescue workers agud dayon nga maisalbar hi Gil tikang ha ilarum han maabot 140 tonelada nga lumaprak nga semento.
