Nagpapabilin nga nakabinbin ha Senado an maabot ha 40 nga panukala nga balaod nga kaupod ha priority bills han administrasyon Marcos ngan han 20th Congress.
Sumala kan Sen. President Sherwin Gatchalian, an nasabi nga mga panukala in kalakip ha 53 Legislative-Executive Development Advisory Council (LEDAC) bills o mga panukala nga balaod nga prayoridad han ehekutibo ngan han lehislatura.
An pira ha mga ini in kalakip ha mga waray kahingadayi dida han urhi nga parte han syahan nga regular session han 20th Congress mahitungod ha pira nga kontrobersiya nga gin atubang han Senado.
Damo ha mga ini in may koneksyon ha sektor han enerhiya, ekonomiya, ngan edukasyon.
Ginsigurado naman ni Gachalian nga dire igpapaligid an nasabi nga mga legislative measure bisan pa kun malingkod an Senado kumo usa nga impeachment court.
Sumala kan Gatchalian, kun kinahanglan magpatawag hin all-senator caucus agud paghingadayan an nasabi nga panukala in hihimuon niya ini, bisan pa ha kabutngaan han trial.
