TACLOBAN CITY – Maabot ha 40 kasako hin imported rice nga umulpot nganhi ha Sinirangan Bisayas an waray ginkarawat han National Food Authority (NFA) Regional Office 8 mahitungod nga naturuan an mga ini hin grasa tikang ha barko nga ginkargahan hini.
Sumala kan NFA 8 Director John Hermano, ada ha ira gintatawag nga “bad order” an imported rice in otomatiko nga diri nira ginkakarawat an mao mga bugas ngan ginbabalik ha supplier hini.
Ginpatapod naman hini nga an mao nga 40 kasako hin bugas nga nadaot in ginbalik na nira ngan waray gin-upod ha mga bugas nga ginpanrelease ha mga retailers ngan authorized dealers ha merkado.
Nahibaruan nga ha pagkayana in padayon pa an gindudumara nga unloading han NFA 8 ha mga naulpot nga imported rice ha rehiyon kun diin kada adlaw in maabot ha 10 mil kasako hin bugas an ira gindidiskarga kada adlaw.
