Nakatalaan nga ig-atubang ha witness stand an upat nga testigo ha nagpapadayon nga impeachment trial kontra kan Vice President Sara Duterte ha Agosto 10, 11, ngan 12, 2026.
Lakip dinhi hi Xylene May del Campo, supervising auditor tikang ha Commission on Audit–Intelligence and Confidential Funds Audit Office (COA-ICFAO) nga nagtestigo kakulop Agosto 5. Ig-aatubang hiya para maghatag hin testimonya kanit han Article 1, nga nag-uunabi ha gin-aalegar sayop nga paggamit ngan iregularidad ha likidasyon han ₱612.5 milyo nga confidential funds han Office of the Vice President (OVP) ngan Department of Education (DepEd).
Lakip gihapon ha magtetestigo hi Marivic Pareja, an lider o chief han House Archives. Hiya in ipatatawag para mag-prisinta ngan magpamatood ha mga opisyal nga dokumento ngan rekord nga kamot han Kamara nga may kalabotan ha kaso.
Lakip gihapon hi Gina Acosta, an anay Special Disbursing Officer han Office of the Vice President (OVP). Hiya in gintudlok kumapot ngan maggawas han mga pondo ha ilarum han liderato ni VP Sara ngan hi Edward Fajarda, anay Special Disbursing Officer han Department of Education (DepEd). Hiya an naging responsable ha mga paggasto ngan pagdistribwer han confidential funds dida han hi Duterte pa an sekretarya han Edukasyon.
