TACLOBAN CITY – Ginbay-og hin intesity III magnitude 4.7 an bungto han Balangiga, Eastern Samar dida han alas 2:00 han kulop han naklabay nga adlaw.
Sumala kan Judith Duran-Alde Head hiton MDRRMO Balangiga Eastern Samar nga an hinungdan han mao nga linog in tikang ha kadagatan nga aada ha 10km iton kahalarum ngan tectonic an origin.
Dugang pa hini nga waray naman mag-iha nga naabatan an mao nga linog ngan dayon naman hira naglibot ha bug-os nga bungto agud pangitaon kun mayda ba nagkaruruba tikang han nasabi nga pag-bayog.
Ha bungto han Abuyog naman basar han ginpagawas nga earthquake bulletin han PHIVOLCS in nakaghipatik hin magkasurunod nga pagbay-og nga 2.5, 2.3 ngan 2.7 magnitude nga linog.
Samtang, na-abat gihapon an pagkiwa han tuna ha siyudad han Tacloban, Palo, Dulag, Hinundayan ngan Hinunangan ha Southern Leyte.
