-- Advertisements --
TACLOBAN CITY– Abre para hiton ngatanan mapa-residente man o dire hiton syudad an 3X3 Sangyaw Cup Basketball Tournament, ha karuyag maki-usa ha mao nga sports activities, nga pagdudumaraon ha San Jose Gymnasuim Basketball Court.
Sumala kan Michael Octaviano, Assistant City Sports Coordinator, nga an nasabi nga mulay in pagdudumaraon yana nga Hunyo 22, 2024, ngan magkakamayda naman hira hin registration para ha pagpatahi hiton ira gagamiton nga jersey kumo uniporme.
Dugang pa han nasabi nga opisyal, an nasabi nga mulay in mayda la 4 nga player ha kada team.
Ginmalatumat naman hine nga makaka-karawat hin P15,000 nga premyo an magigin Champion han mao nga mulay, P10,000 para hiton 2nd prize, ngan P5,000 naman para hiton 3rd prize.
