TACLOBAN CITY– Ginpahibaro han Department of Education DepEd-8, nga nagkamay-ada hin pagbabag-o an placement para han mga nagdaog han nakalabay nga EVRAA Meet 2023 kun diin gin deklara nga 3rd placer an Maasin City.
Sumala kan Jasmin Francisco-Calzita, Information Officer hiton DepEd Regional Office Vlll, nagkamay-ada daw hin technical error han submission han result kun diin mayda puntos nga waray mahilakip han ihap rason nga nag protesta an Maasin City.
Dugang pa hine naresolba naman dayon an nasabi nga isyu, ngan nagpagawas na gihapon hira hin memorandum para ma tadong an nasabi nga result.
Nagkamay-ada naman daw gihapon hira hin special awarding nga gindumara mahuman nga resolbahon an nasabi nga isyu.
Gintagan naman hine hin duon, nga waray pagbabag-o han mga players nga igpapadara para han Palarong Pambansa.
