-- Advertisements --
Ginlalauman han Commission on Elections nga maabot ha 3M an mga bag-o nga botante nga magpaparehistro ha utro nga pag-aabri han voter registration ha Nobyembre.
Sumala kan COMELEC Chairman George Erwin Garcia, target han poll body nga umabot ha 74 milyon an kabug-usan nga registered voters pag-ulpot ha 2028 tikang ha presente nga 71 milyon.
Kadungan han voter registration, makarawat gihapon an COMELEC hin aplikasyon para ha transfer of registration, correction of entries ngan reactivation han deactivated voters.
Ginaaghat gihapon an mga kabataan nga magigin 15 anyos nga magparehistro agud makabotos ha Sangguniang Kabataan elections.
