INTERNATIONAL–Maabot ha 39 an namatay ngan sobra 50 an samaran matungod han stampede ha campaign rally han Sabado.
Mababaruan nga campaign rally ine han actor ngan politico nga hi Vijay ha estado han Tamil Nadu.
Nagpasa na an kapulisan hin kaso nga criminal kontra ha mga opisyales nga kaugop ni Vijay, an Tamilaga Vettri Kazhagam (TVK), kalakip na hira Bussy Anand, Nirmal Kumar, ngan V.P. Mathiyalagan.
Sumala naman kan Vijav, nakikisimpatya hiya ha natabo nga trahedya ngan nagsaad nga bubuligan niya an mga apektado na pamilya.
Naghangyo naman hin 1 million ka rupees, o 650,000 pesos hi Tamil Nadu Chief Minister M.K. Stalin nga kompensasyon para ha mga pamilya han namatayan.
Mababaruan na kalakip an rally ha mga preparasyon ni Vijay para han eleksyon ha masunod nga tuig.
