TACLOBAN CITY – Ginpaangbit han Tacloban DepEd City Division, nga maabot ha sobra 385 students an nakapag enroll na ha Alternative Learning System ALS.
Sumala kan Dr. Nilo Eder, Information Officer han Tacloban City DepEd Division, nga waray pa magkatunga an ira mga enrollees, ha target nira nga 1000 kapin nga mga estudyante.
Dugang pa hine, nga masd hamubo yana an ihap han mga namag enroll kumpara last year.
Ginmalatumat naman hine, nga abre an tanan nga mga district learning center in nag-oofer hin ALS.
Ha lain nga bahin ginpahibaro naman ni Dr. Eder, nga padayon gihapon an pangarawat han Tacloban City Night High School, para ha karuyag umiskwela hiton pan-gabi o adton gintatawag nga night class, ine naman in nahihimutang ha luyo hiton RTR Elem. School dinhi ha syudad han Tacloban.
