TACLOBAN CITY– Maabot ha 35 nga kaso han Cholera an nahipatik ha Isabel Leyte, han nakalabay nga bulan hiton Marso.
Sumala kan Dra. Ludina Insigne, Medical Program Coordinator Food and Waterborne Disease Program DOH Eastern Visayas, nga dayon ine nira nga napugngan pinaagi han pakikipagsumpayan han mga tagsa-tagsa nga LGU’s han nasabi nga lugar.
Dugang pa hine, nga an pinakadamo nga kaso in nahipatik ha Barangay Marvel, kun diin nagkamayda ine hin 21 nga kaso han naduktan han mao nga sakit.
Ginpaangbit naman han mao nga opisyal, nga ugsa pa an pagsalin-urog han Semana Santa in natagan na nira hin tambal an mga na-kumpirma nga mga pasyente.
Mababaruan, kaudgan ha mga naduktan han Cholera in an grupo han mga Badjao nga nag-uukoy ha nasabi nga lugar.
Usa ha mga gintutuohan nga gintkangan han sakit in an dire sakto nga pagkakamayda hin hygiene, partikular na ha sanitary toilet.
Hapagkayana, mayda na mga ginpatuman han kada LGU level, an pira nga mga pitad agud nga mapugngan an pagsarang han mao nga sakit, sugad han pagkakamayda hin sakto nga hygiene, ngan ig-practice an pag-inom hin malimpyo nga tubig ngan mas maupay kun ine in lalasuon anay.
