-- Advertisements --
Dire maubos ha 33 ka-tawo an namatay samtang 36 an samaran mahuman magdumara hin airstrike an militar han Myanmar harani ha usa nga merkado ha Kyauktaw, Rakhine State dida han Setyembre 28.
Sumala ha pahayag han Arakan Army, duha nga bomba an ginpalaprak han usa nga fighter jet ha pangunahon nga merkado kun diin, kaupod ha mga namatay an mga tindero, mamaralit, ngan mga kahagrani nga residente.
Nagpahimatngun an Arakan Army nga puydi pa humitaas an ihap han mga namatay samtang padayon an retrieval ngan rescue operations han ginpabuthan nga merkado.
Samtang waray pa ginpapagawas nga opisyal nga pahayag an militar han Myanmar kasumpay han insidente, bisan man anay hini ginduon nga lehitimo nga military targets la an ira ginaatake.
