TACLOBAN CITY – Igpapatuman na an kadugangan nga P30.00 ha minimum wage yana nga katapusan han Nobyembre, ine in kumo kaparte han Wage Order No.23 nga ginpalusad han gobyerno.
Sumala kan Norma Rae Costimiano, Information Officer han Department Of Labor and Employment Vlll, ngan an mga mananarabaho ha pribado nga sektor nga mga non-agricultural sector, retail service ngan establishment nga nangangarawat hin 11 o sobra pa nga mga empleyado in magigin P405 an minimum wage nira tikang ha P375 nga anay nira nga panwelduhan.
Ha mga agriculural sector, retail service ngan establishment nga nagnangarawat hin 10 nga empleyado paubos in magigin P375 iton ira minimum wage tikang ha P325 nga anay nira nga panwelduhan.
Dugang naman ni Costimiano, nga nadugngan gihapon iton monthly wage han mga kabulig hin P500 tikang ha P5,000 nga ira panwelduhan, pero ine in madepende kun nagtratrabaho an mga ine ha siyudad o first class municipalities.
Samtang, aada naman ha P5,000 tikang ha P4,000 iton bago nga binulan nga panwelduhan han mga kabulig ha mga second class municipalities.
