Gin aprubahan ni Presidente Ferdinand Marcos Jr. an pagpapatuman han trimester ha school calendar ha mga pampubliko nga iskuylahan School Year 2026–2027.
Sumala ha presidente, kinahanglan padagmiton an mga reporma ha edukasyon agud masiguro nga padayon ngan dire nadedelatar an hibaro han mga istudyante.
Ha ilarom han bag-o nga setup, iibanan an anay upat ka-kwarter han school year ngan hihimuon nga tulo ka-termino agud malikayan an mahuot nga iskedyul ngan mas magin maupay an dalagan han mga leksyon.
Sugadman, magpapabilin an supresyente nga adlaw han sulod ngan sisiguraduhon nga andam an mga iskuylahan ha pagbabag-o, labi na ha pagbulig ha mga istudyante nga nakukurian.
Ginmalatumat naman han Presidente nga kaparte ini han mas haluag nga pitad han gobyerno agud pakusgon an kalidad han edukasyon ngan himuon nga mas madig-on an sistema ha butnga han mga aberya.
