TACLOBAN CITY– Patay an 3 nga mga miyembro han terorista nga grupo ha butnga han 803rd Infantry Brigade ha Brgy San Jose, Mapanas, Northern Samar.
Sumala kan Maj. Jefferson Mariano, Division Public Affairs Office, 8ID Philippine Army, padayon nga nagdudumara an 4th Scout Ranger Battalion hin operation control, kun diin nakakarawat hira hin impormasyon kasumpay ha nagliliniyong liyong nga presensya han mga terorista nga grupo.
Dugang pa ni Mariano, lima na beses nira naka-engkwentro an mga ine ha mao nga adlaw, kun diin maabot ha 10-15 nga mga membro han Regional Guerilla Uerilla, EVRPC, an ira nakabalyuay hin bala.
Ha syahan nga higayon, nagresulta ine han pagkamatay han usa nga miyembro han CTG’s, ngan nakarekober gihapon hira hin 1 nga M14 riffle, 1 anti-personnel mine, ngan personal nga mga gamit.
Dugang pa ni Mariano, minutos la lumabay ngan utro ine nira naka-engkwentro, kun diin nakarekober an mga ine hin patay nga lawas han walhon nga grupo, kalakip an 1 M16, ngan assorted ammunation.
Samtang an ika-tulo ngan ika-upat nahibayaan la han mga ine an mga importante nga mga dokumento.
Pag-abot hiton alas 10 han aga ha kaparehos nga adlaw, utro ine nga nakahibalag, kun diin nagresulta ine hin 1 nga patay ha miyembro hiton rebelde nga grupo.
Nakilal-an an syahan nga namatay, kan Ronnie Pajares, alyas “Parara” ngan residente han Eastern Samar, an ikaduha in hi Edmund Orus, alyas “Daliig Northern Samar, samtang an ika-tulo nga namatay nga rebelde in waray pa kakilal-i an pangilal-an.
Padayon naman ha pagsubaybay hiton kasundaluhan ha mga lugar, kun diin pumalagiw an mga walhon nga grupo.
