TACLOBAN CITY – Patay an 3 nga menor de edad mahuman an mga ine nga malumos ha Brgy. Fatima Liloan Southern Leyte.
Ada naman ha edad nga 3-anyos kada usa an pangidaron han mga biktima ngan paprehas mga residente han mao nga barangay kun diin magpapratod la liwat an mga ine.
Sumala kan PLt. Mark David Del Monte, Chief of Police han Liloan Municipal Police Station, nagmumulay daw an mga biktima ngan nagpasingadto han sapa nga ginhimuan hin man-made pool nga waray upod nga kag-anak.
Basar han imbestigasyon han mga kapulisan in nangangarigo daw an mga biktima ha usa nga man-made pool nga mayda gin-eestimar nga kahilarom nga 4-5 feet kun diin waray daw igsarabot an mga kag-anak han mga ine nga nagpasingadto ine han nasabi nga man-made pool.
Usa naman nga concern citizen an naka-kita ha kabataan nga naglulutaw-lutaw na ngan dayon ine umaro hin bulig ngan nagpasabot ha mga kag-anak han kabataan.
Gindalagan pa ha pinkaaharani nga ospital an mga biktima pero gindeklara an mga ine nga dead on arrival.
