TACLOBAN CITY – Naugbaw ha sunog an 3 nga mga classrooms ha Barangay 93, Bagacay Tacloban.
Natabo an mao nga sunog ha mismo eskwelahan han Bagacay Elementary School.
Sumala kan Lakan Anthony De Paz, Fire Chief Inspector Tacloban City Fire Marshall, nga subay ha ira gindumara nga imbestigasyon han mga otoridad nga ha gawas han classroom nagtikang an kalayo.
Gin-isa naman ine ha 1st alarm an nasabi nga sunog.
Maabot naman an inisyal nga damage P864,000 an ginbabana-bana nga ginbayaan nga danyos han nasabi nga sunog.
Waray naman may nasamaran o nahibang ha mao nga sunog.
Ha lain nga bahin, nasunog naman an usa nga residential house ha Brgy. 88 Bay View San Jose,Tacloban City, kun diin maabot naman ha P5,000 an ginbayaan nga danyos han mao nga panhitabo.
Nanawagan naman an nasabi nga opisyal ha publiko, nga maghirot partikular na ha mga butang nga makakag-kawsa hiton sunog.
