ODD NEWS– Nadiskubrehan han usa nga hiker an gintatawag nga “lost world” nga ginbabana-bana nga maabot na ha sobra 280 milyon years.
Ine in nahikit-an ni Claudia Steffensen samtang nagha-hiking ha Italian Alps ha Valtellina Orobie Mountains Park Lombardy, Italy.
Napansin ni Steffensen an kakaiba nga mga desinyo han usa nga bato, ngan han pagtika-dugay in nahibaruan nga mayda mga tigaman hiton hayop tikang pa hadton prehistoric era.
An mga tigaman in natudlok nga gintatag-iyahan hiton mga reptiles tikang han Permian period, ugsa pa umabot an mga dinosaur.
Labot la hine, nakit-an gihapon an ginatos-gatos nga mga fossil han magkalain-lain nga klase hiton species, kalakip na an mga reptiles, amphibians, ngan mga insekto, nga may kahilaba nga 12 ft.
Subay hiton mga eksperto, tungod hiton maupay nga pagkaka-preserba han mga fossil in napabilin an kadugay hine ha tubig.
Kadugangan ha nadiskubrihan an fossil hiton mga tanaman, mga liso, dahon ngan mga stem, kalakip na an mga turo hiton uran ngan balod tikang ha usa nga prehistoric lake o lawa.
