NATIONAL – Nakalakat na an 26 nga Pilipino tikang ha Israel pinaagi han voluntary repatriation program han Philippine Embassy, subay ha nagin pahayag han embahada kakulop nga adlaw.
Gin updan an mga ine ni Philippine Ambassador Aileen Mendiola ngan han DMW-OWWA team ha Allenby Border Crossing agud masiguro an hapsay nga pagtambok tikang ha Israel tikadto ha Jordan.
Gin asikaso gihapon han embahada an ira transpotasyon, transit visas, travel documents, ngan plane tickets.
Ugsa lumakat, umukoy anay an mga Pilipino ha shelter han Department of Migrant Workers (DMW) kun diin gintagan an mga ine hin relief packages, libre nga legal assistance, ngan orientation para ha ira reintegration benefits pagbalik ha Pilipinas.
Syahan na nga nahipatik han Department of Foreign Affairs (DFA), nga an grupo in ginbubug-os han 26 ngan overseas Filipino workers (OFWs) ngan usa nga turista.
Smtang, ada na gihapon ha proseso an ikaduha nga batch han repatriation nga ginkakalakipan han 33 nga Pilipino.
