TACLOBAN CITY – Usa nga 25 anyos nga babaye an naghikog- patay ha Brgy. Concepcion 1, Sogod Southern Leyte.
An mao nga babaye in residente han Maasin City ngan temporaryo nga nakiukoy ha iya patod ha Sogod.
Sumala kan Police Corporal Jinkie Constantino, Duty Investigator han Sogod Municipal Police Station, base ha ira inisyal nga report an mao nga biktima in gin-aalegar nahidabi ha relasyon kon diin mayda na ngay-an ka-live in han iya uyab.
Ini naman an ginhihingita nga rason han pagpapakamatay han biktima samtang padayon pa an ginbubuhat nga imbestigasyon.
Narekober ha mao nga panhitabo an usa nga suicide note han mao nga babaye kun diin nakasurat nga nangangaro ini hin pasaylo ha iya patod kun diin ini temporaryo nga nakiukoy.
Gingamit han biktima an usa nga hose ha iya pagbigti ngan gindalagan pa ini ha ospital pero gindeklara nga dead on arrival.
Mababaruan nga ugsa mahitabo an mao nga pagpapakamatay, ha kaparehos gihapon nga adlaw in nagprobar na ine nga mag laslas.
Ha mao nga panhitabo in nasaway pa ine han iya patod, pero han mag-usahan nala ine in didto na hiya nakahigayon nga utason an iya kalugaringon kinabuhi pinaagi han pagbitay.
