NATIONAL NEWS– Talwas nga nakatabok pakadto ha Jordan an 21 nga opisyal han gobyerno nga na-stranded ha Israel ha butnga hiton tensyon han mga ine ha Iran.
Subay ha Department of Foreign Affairs (DFA) 17 an umatinder ha training ha agricultural technology tinikangan han Hunyo 10 -Hunyo 20. Kalakip na dinhi an duha nga kongresista, 9 nga alkalde, 4 nga bise alkalde, ngan duha nga regional director.
Kaupod gihapon dinhi an 4 nga espesyalista tikang ha Department of Agriculture nga kanit ha industriya han gatasan.
Subay ha DFA, aktibo nga nakipagsumpayan an Philippine Embassy ha Tel Aviv ha embahada han Pilipinas ha Jordan ngan ha mga otoridad agud nga ma-asisteran an katalwasan han nasabi nga grupo.
Gintapo naman an mga ine ni Philippine Ambassador Wilfredo Santos ha King Hussein Border kun diin gintagan an mga ine hin bulig, kalakip na an transit visa.
Ginlalauman han DFA nga ha masunod nga mga adlaw in makaka-karawat hin syahan nga grupo han mga overseas Filipino workers an embahada ha Jordan kumo kaparte han evacuation efforts.
