TACLOBAN CITY – Patay na han makit-an an usa nga babaye nga nagbigti ha may Brgy. 1 & 4 Trece Martirez, Tacloban City.
Sumala kan Pol. Maj. Winrich Laya-Lim, Station Commander han Abucay Police Station 2, ginkilala an mao nga babaye nga hi Rachel Mondido, 21 anyos an pangidaron ngan residente han Brgy. 110, Utap, Tacloban City.
Nakit-an an mao nga babaye nga nakahikog gamit an taklap ngan may nakit-an nga rugby ha iya bra.
Basar han pahayag han iya mga kasangkayan, problemado daw an mao nga biktima ngan han urhi nira ini nga nakit-an nagbibiniling ini hin higot.
An mao nga biktima in mayda dati nga asawa ngan anak ngan yana in mayda ini uyab pero nakapriso ha pagkayana tungod ha kaso nga may kalabutan ha ilegal nga droga.
Waray naman nakikita nga foul play an mga kapulisan bahin han mao nga insidente.
