NATIONAL–Kumpyansa an Palasyo nga napasar ha legal nga panginano an 2026 General Appropriations Act (GAA) ha kaluyo han plano nga kwestyonon ini han pira nga manbaralaod ha korte suprema.
Sumala kan Presidential Communications Office (PCO) Usec. Claire Catro, mayada katungod hi Cong. Edgar Erice ngan iba pa nga mambaralaod nga mag-apela ha Korte Suprema kun natuo hira nga mayada parte nga natalapas ha konstitusyon an 2026 budget, partikular na an mga unprogrammed appropriations.
Nauna na nga ginmalatumat ni Erice nga gin-istudyohan na nira an pagseserbe hin petisyon bisan pa nga maiibanan an nasabi nga pondo.
Dugang ni Castro nga mahuman an maupay nga pag-review ngan pag-istudyo han Malakanyang, nagpapabilin nga madig-on an pagtuo han administrasyon nga waray gintatalapas nga balaod an 2026 budget.
Dugang pa niya nga andam an administrasyon nga depensaran an ginduso nga pondo kun umabot ini ha Korte Suprema.
