TACLOBAN CITY – Pormal na nga naghuman an 2025 Kanta Binisaya Choral Festival o an pasundayag nga nagse-selebrar han kahusayahan han kultura ngan lengguwahe han rehiyon pinaagi han kanta dida han nalabay nga adlaw.
An Kanta Binisaya in usa nga kultral nga inisyatibo nga pinangunahan ni Dr. Stephen Lagarde, kun diin panuyo hine nga mapreserba ngan igparayaw an riko nga tradisyon ngan musika han Sinirangan Bisayas.
Ha nasabi nga pasundayag in nag-perform hin tulo nga klase hin kanta an kada grupo—Sacred Choral Song, Kanta Binisaya Choral arrangement, ngan OPM.
Sumala kan Department of Tourism Eastern Visayas Regional Director, Karina Tiopes, panuyo hine nga aktibidad nga ig preserba an mga homegrowns talents han Eastern Visayan Choirs nga nagre-representa kumo ‘heart and soul’ han Eastern Visayas Choral Music.
Nakiusa naman ha nasabi nga pasundayag an unom nga grupo tikang ha rehiyon, ine in an:
- • LNU Philharmonic Singers (Leyte Normal University)
- • Praise Chanters (Archdiocesan Shrine of Sto. Niño)
- • Rah Rah Rousers (Palo, Leyte)
- • Sinag Koro Ensemble (Tacloban City)
- • SLSU Coro de Alcedo (Southern Leyte State University)
- • STEFTI Youth and Children’s Choir (Tacloban City)
Nag-perform gihapon an multi-awarded choral group nga tikang ha Mindanao, amu an University of Mindanao Chorale han Davao City. (via Bombo Niña Magpili)
