TACLOBAN CITY – Nagin malinampuson an gindumara nga 2024 Araw ng Kalayaan Job Fair Program hiton Department of Labor and Employment (DOLE) 8m kakulop nga adlaw, Hunyo 12.
Ine naman na an ika-126 nga pagtigaman han anibersaryo han Kagawasan han Pilipinas.
Sumala kan Norma Rae Costimiano, Information Officer hiton Department of Labor and Employment (DOLE) Regional Office 8, mas gutiay an ira ginlalauman yana nga ihap han mga job seekers mahitungod nga nagdumara na gihapon hira hin Job Fair dida han nalabay nga Mayo 1, han pagsalin-urog han Labor Day.
Basar hiton datos, ada la ha sobra 400 an mga job seekers nga nahipatik kun diin 27 han mga ine in Hired on the Spot ngan 53 naman an Near Hired.
Nakada naman ha sobra 5,000 nga mga trabaho ha langyaw an igin-offer ha mga job seekers ngan 1,300 naman an ha lokal.
