-- Advertisements --
INTERNATIONAL – Patay an 20 ka-tawo ha natabo nga stampede ha aid distribution center ha Southern Gaza.
An pagdistribwer hin pagkaon in ginpapangunahan han Estados Unidos ngan Israel-backed Gaza Humanitarian Foundation (GHF).
Subay ha GHF, 19 an namatay dayon, samtang usa an patay mahuman nga mabuno samtang napila.
Kasumpay hini, diri maubos ha 40 ka-tawo an gindara ha ospital mahuman nga mag-angkon hin kasamdan.
Gin-akusaran han Government Media Office an security contractors nga nagpapaluyo han stampede mahitungod nga nga ginsadhan nira an mga gate.
Igindiwara naman han GHF nga gumamit hira hin mga tear gas para sawayon an mga tawo nga diri napila ha nasabi nga distribusyon hin pagkaon.
