NATIONAL– Umabot ha 20 nga pusil an naka-rehistro kan Sen. Ronald “Bato” Dela Rosa an boluntaryo nga ginsurender ha Philippine National Police (PNP) ha Davao City mahuman nga bawion an iya lisensya ngan rehistro han pusil.
An mga pusil in presente nga ada ha kustodiya han Regional Civil Security Unit 11 para ha safekeeping.
Subay ha PNP, an pagbawi han lisensya in alinsunod ha Republic Act No. 10591 o Comprehensive Firearms and Ammunition Regulation Act, nga nagbabawal ha hino-man nga mayda kaso nga kriminal ngan may sirot hin sobra 2 katuig.
Subay ha datos han PNP-Firearms and Explosives Office (FEO), hi Dela Rosa in mayda kapot nga Type 5 License to Own and Possess Firearms (LTOPF) nga naghahatag hin katungod nga magtag-iya hin sobra 15 nga pusil.
Ha kabug-usan 117 nga pusil an nakarehistro ha iya ngaran ngan tanan ine in ginmando nga igsurender.
An revocation order in iginpagawas han nakalabay nga Mayo 26, 2026, kasunod han direktiba han Department of Justice nga ginpatuman han International Criminal Court (ICC) arrest warrant kontra kan Dela Rosa kasumpay ha mga kaso nga crimes against humanity nga nag-ugat ha madugo nga kampanya kontra droga han administrasyong Duterte.
Manunumduman nga hi Dela Rosa, in nagserbi nga PNP Chief tikang han 2016 – 2018, usanga pangunahon nga personalidad nga ginkakanit ha yinukot-yukot hapagkamatay han war on drugs.
