Posible nga ibakwit an duha nga sundalo han Pilipinas nga nakadestino ha BRP Sierra Madre mahuman hira masamaran han balbagon hin baton han mga tawo han Chinese Coast Guard ha Ayungin Shoal, West Philippine Sea dida han nakalabay nga mga adlaw.
Sumala kan Retired Rear Admiral Roy Vincent Trinidad, Armed Forces of the Philippines special spokesperson for West Philippine Sea, nakatalaan magpakadto ha lugar an usa ngabarko han Philippine Coast Guard agud magsirbi nga rescue kun kinahanglan ig-ibakwit an mga samaran nga sundalo.
Ha kaluyo han insidente, nagpapabilin nga hataas an morale han mga sundalo nga nakadestino ha BRP Sierra Madre.
Gintagan-duon ni Trinidad nga an China an nauna na nga humarani ngan nagpaduroy han sitwasyon, tarihas ha mga pahayag han Beijing.
An insidente in naganap mahuman an provocative actions han CCG, nga utro nagpakita hin tensyon hga butnga han Pilipinas ngan China ha WPS.
