TACLOBAN CITY – Patay an duwa nga lalaki samtang samaran naman an 1 nira nga upod ha natabo nga panbuno ha Barangay Fatima Dulag Leyte.
Ginkilala an mga biktima kanda Kyle Bohol, Romnick Suriyao, Jan-Jan Magos nga mga residente han Brgy Cabacungan, Dulag, Leyte.
Samtang an suspek naman in hi Marjohn Basas Amantillo, 18-anyos ngan, residente han Brgy Rizal, Dulag Leyte.
Sumala kan nga PLt. Rommel Capino, Chief of Police Dulag Municipal Police Station, nga subay ha ira imbestigasyon nga magparaptod an 3 nga biktima kun diin pumakadto an mga ine ha sayaw han mao nga barangay.
Dugang pa hine, nga an rason han natabo nga insidente in matungod ha mga kuru-kursunada, ilabi na kun nagkakahuhubog na ngan waray na ha sakto nga panhuna-huna.
Nagkamayda hin dire maupay nga paghihimangraw ha butnga han suspek ngan biktima, rason agud nga magpaplanat pa an mga ine ha masirom nga dapit han mao nga lugar, ngan didto natabo an kabuno han mga biktima ngan ha dire ginlalauman nga higayon in 2 ha mga ine an dayon nga naawat an kinabuhi.
Nakag-angkon naman an suspek hin samad ,kun diin naka-admit ine yana ha EVMC ngan may nakabantay nga mga kapulisan.
Nagpahimatngon naman ine ha publiko nga mag-ikmat ngan maghirot an mga ine ilabi na yana nga mauuso na liwat an paru-patron kun diin kasagaran nga nagkakamayda hin mga sarusarayaw nga usa ha mga darayuhon hiton kasamok.
