Nandestruso an Bagyong Dujuan harani ha Tokyo, Japan nga nagdurot hin haluwag nga pagbaha, pagparik han tuna, ngan pagkadelatar han biyahe nga nag-obliga ha sobra 1.6 milyon nga residente nga mag-evacuate ha ira mga panimalay.
Dara han bagyo an makusog nga hangin rason agud mawarayan hin kuryente an yinukot-yukot nga kabablayan kun diin, duha ka-tawo an kumpirmado nga namatay basar ha notisya han mga otoridad.
Mahitungod ha grabi nga maraot nga panahon, napiritan nga magkansela an sobra 270 nga biyahe an mga pangunahon nga airline, sugadman pag-undang ha operasyon han pira nga tren nga nagsusumpay ha Tokyo ngan Osaka.
Sumala ha Japan Meteorological Agency, nga nagtitikahirayo na an bagyo dida han Martes, pero nagpapabilin la gihapon an tarhog han padayon nga pag-uran ngan posible nga paglahos han rain volume ha average hini para ha bug-os nga bulan han Setyembre.
