TACLOBAN CITY — Patay an duha katawo mahuman nga magbanggaay an pampasahero nga van ngan motorsiklo ha Brgy. Macagtas, Catarman.
Ginkilala an mga biktima nga hi Ricky Cabigting, driver han motorsiklo ngan backrider hini nga hi Rogelio
Salazar, pareho residente han Brgy. Washington, Catarman.
Samtang, waray naman may nahipatik nga patay o samaran ha mga pasahero han van ngan driver hini nga hi Romeo
Bodalla, 49 anyos an pangidaron ngan residente han Brgy. San Rafael, Bulan, Sorsogon.
Mahibabaruan, nga tiuli na an duha nga biktima ha ira lugar tikang ha proper han Catarman, samtang an van Grand
Tours naman in biyahe tikang ha Brgy. Macagtas tikadto ha Catarman proper.
Sumala ha imbestigasyon, nag-overtake an mao nga passenger van ha usa nga tricycle rason naman para bumangga ini
han motor nga nakatapo.
Nadara pa ha ospital an mga biktima pero didto in na an mga ini gin-awatan hin kinabuhi.
Ha pagkayana, in nagpapabilin na ha Catarman Municipal Police Station an mao nga driver han van ngan naatubang ha
kaso nga reckless imprudence resulting in multiple homicide.
