TACLOBAN CITY – Patay an duha nga New People’s Army (NPA) mahuman an natabo nga engkwentro ha tropa han gobyerno ha Brgy. Sto. Niño, Paranas, Samar.
Mababaruan nga nagtikang an engkwentro mahuman magsumat an mga sibilyan nga may natatabo nga pangikil han mga armado nga kalalakin-an.
Samtang natabo naman an syahan nga pupsilay han alas 5:00 han aga ha butnga han mga tropa tikang ha 87th Infantry Battalion ngan grupo nga gintutuuhan nga kaparte han Yakal Platoon han NPA.
Nahitabo an ika-duha nga engkwentro han mga alas 8:00 han aga, nga pero mahugot nga tulo-ka-minutos nga pupsilay nga nakagresulta hin pagkamatay han duha nga miyembro han walhon nga grupo.
Narekupo han pwersa han gobyerno an pira nga higtaas nga kalibre hin mga pusil ngan military-grade equipment, naglalakip han usa nga M16 rifle, usa nga 4.5 kalibre nga pistola, duha nga anti-personnel mines nga igindidiri han international law, usa nga rifle grenade, magkalain-lain nga mga bala ngan iba pa nga mga higamit pan-gyera.
Nagpadangat naman hin pakikisubo hi Brigadier General Lenart Lelina, Commander han 801st Infantry Brigade ha mga pamilya han nagkamatay nga mga rebelde.
