-- Advertisements --
INTERNATIONAL–Patay an duha katawo ngan damo pa nga iba an nasamaran ha nahitabo nga pamumusil ha gawas han usa nga bar ha Austin, Texas.
Gintutudlok han Federal Bureau of Investigation an insidente nga mayada kalabutan ha terorismo.
Ginkilala na suspek nga hi Ndiaga Diagne, 53-anyos ngan usa nga naturalized American citizen nga ginpanganak ha Senegal.
Sumala ha kapulisan nga mahuman nga ginrespondehan nira an tawag nga mayada pamumusil harani ha Buffords bar in ira na gihapon ginpusil ngan napatay an suspek.
Gindara naman ha pasilidad medical an 14 katawo nga nasamaran ha insidente.
Samtang padayon nga gin-aaram han otoridad an motibo han suspek ha insidente kun diin nakasul-ot ine hin bado nag mayada nakasurat ga “Property of Allah.”
