NATIONAL–Natalwas han mga local nga otoridad an duha ka bata nga Palawan leopard cats han Lunes ha bungto han Roxas.
Mababaruan nga an Palawan leopard cat (Prionailurus bengalensis heaneyi), nga kilala gihapon ha local nga tawag nga “tamaral” o “maral”, in usa nga endangered species.
Sumala ha Municipal Environment and Natural Resources Office (MENRO), nakarawat nira an report tikang ha usa nga mag-asawa han naglabay nga weekend.
Nakit-an han mag-asawa an presensya han mga misay han umusig an ira ayam ha usa nga adult Palawan leopard cat.
Han nakit-an nira ine, nakit-an gihapon nira an duha nga misay ngan dagmit nga gin-report ha otoridad.
Gindara han Palawan Council for Sustainable Development Staff an mga nasabi nga endangered species ngan ha syahan nga pag-eksamin in nakit-an nga magkusog an mga ine.
Ha pagkayana, ada ha pag-atiman na han MENRO an mga nasabi nga leopard cats para ha ensakto nga pag-alaga.
